Centro de Produción de Audiovisuais (CPA) » Novas de Lugo » 2011

20/04/2011

Inscrición nas primeiras Xornadas de Turismo Cinematográfico, organizadas pola Deputación, a través da Fundación TIC, entre os días 28 e 30 de Abril

programaprograma

Os alumnos da Escola de Imaxe e Son elaboraron o primeiro “movie map” da comunidade galega, no que se sinalizan os lugares do Courel e A Fonsagrada nos que se gravou o filme “Romasanta”
Este proxecto presentarase nas primeiras Xornadas sobre Turismo Cinematográfico, organizadas polo organismo provincial, a través da Fundación TIC, entre os días 28 e 30 de Abril
Co encontro, a Deputación pon en marcha unha nova ferramenta de dinamización da economía lucense consistente en organizar rutas polos puntos da provincia nos que se realizaron rodaxes

A Deputación de Lugo é pioneira en Galicia na elaboración de mapas que sinalizan as localizacións de rodaxe de películas co fin utilizalos como reclamo turístico. O primeiro destes planos, coñecidos como “movie maps”, foi realizado polos alumnos da Escola de Imaxe e Son e recolle os emprazamentos do Courel e A Fonsagrada nos que se gravou o filme “Romasanta”. Este proxecto será presentado nas primeiras Xornadas sobre Turismo Cinematográfico que o organismo provincial, a través da Fundación TIC, celebrará entre os días 28 e 30 de abril, e coas que pon en marcha unha nova estratexia de promoción turística e de dinamización da economía lucense consistente en aproveitar como reclamo as películas rodadas na provincia para atraer visitantes e difundir os recursos paisaxísticos e culturais.

No encontro daranse tamén a coñecer as dúas primeiras rutas cinematográficas definidas pola Deputación, que serán incorporadas na nova etapa do programa medioambiental Km0. Estes percorridos discorren polos escenarios naturais do filme “Romasanta” nos concellos do Courel e A Fonsagrada, e foron fixados precisamente a partir do “movie map” elaborado pola Escola de Imaxe e Son, dependente da Deputación.

O Presidente provincial e da Fundación TIC, José Ramón Gómez Besteiro, será o encargado de inaugurar o día 28 no salón de actos do Pazo de San Marcos as Xornadas de Turismo Cinematográfico, nas que se dará a coñecer e analizará esta nova ferramenta promocional a través de conferencias e unha mesa redonda, nas que, entre outros, participarán profesionais de prestixio como Carlos Rosado, presidente de Andalucía Film Comission; Julio Fernández, presidente de Filmax; Alfredo Conde, escritor galardoado co Premio Nadal e co Nacional de Literatura, e Anxo Quintanilla, director xerente do Consorcio Audiovisual de Galicia.

Tamén se presentará o mapa de localizacións de rodaxe e as rutas cinematográficas de “Romasanta” promovidos pola Deputación. Esta cinta foi producida por Filmax baixo a dirección de Paco Plaza, cun guión de Alfredo Conde, e protagonizada por Elsa Pataky e Julian Sands. Rodouse no ano 2003 en diferentes puntos do Courel e A Fonsagrada e conta a historia de Manuel Romasanta, o home lobo de Allariz.

A inscrición, dende hoxe
A inscrición é totalmente gratuíta e todas aquelas persoas que estean interesadas poden formalizala a partir deste mesmo mércores a través da páxina web da Fundación TIC (www.fundaciontic.org) ou na Escola de Imaxe e Son de Lugo, situada na Rúa Frei Plácido Rei Lemos s/n. As xornadas están dirixidas ó público en xeral, pero resultarán de especial interese e utilidade para responsables e profesionais do sector turístico, xestión cultural, axencias de viaxes, responsables das Film Comission ou do ámbito audiovisual.

formulario

programa


< Volver




Rúa Frei Plácido Rei Lemos s/n / 27004 - Lugo
Teléfono: 982 284 667 / Fax: 982 284 687
info@fundaciontic.org
Fundación  |  Escola de imaxe e son  |  Produtora  |  Film Comission  |  Novas  |  Ligazóns  |  Videos  |  Foro  |  Contacto
Diseño web de Lugonet