|
A insercción laboral dos alumnos
 RELACIÓN CON EMPRESAS E INSTITUCIÓNS
Conseguir desde o comezo da súa formación o contacto directo co sector empresarial e coas institucións vinculadas ao sector audiovisual é un dos sinais de identidade da Escola de Imaxe e Son da Fundación TIC.
Fundamental é o establecemento de convenios e acordos que permiten contar con prestixiosas empresas e institucións que colaboran coa fundación, como socios ou partnership, durante o proceso formativo dos alumnos.
|
 |
Empresas que colaboran co ciclo de Produción
Empresas que colaboran co ciclo de Realización
Titulación que se obtén:
TÉCNICO SUPERIOR DE PRODUCIÓN DE AUDIOVISUAIS, RADIO E ESPECTÁCULOS
DIDÁCTICA
 |
Á formación teórica engádense workshop ou exercitacións, sexa en contacto directo coas empresas, ou ben mediante seminarios formativos, participacións en concursos, ciclos de conferencias, visitas a empresas e/ou establecementos de produción. |
O centro dispón de instalacións profesionais de produción e realización a través do Centro de Produción de Programas de Televisión dependente da Fundación, onde se desenvolven ao longo do ano producións de contidos para as televisións locais. Durante todo o ano os alumnos poden realizar actividades nesas instalacións durante a xornada e fóra do horario escolar.
A Fundación xestiona directamente actividades relacionadas co sector como a Oficina Film Commission da provincia de Lugo creada mediante convenio co Consorcio Audiovisual de Galicia e a Deputación Provincial de Lugo, onde os alumnos poden colaborar en actividades directamente relacionadas coa produción e promoción audiovisual
DOCENTES
O cadro de persoal da fundación, formada por docentes e técnicos, está en contacto permanente co mundo produtivo garantindo deste xeito a permanente actualización nas rápidas transformacións que experimenta o sector.
BOLSAS DE FORMACIÓN
A existencia de acordos con socios -partners- cos que están en marcha programas de intercambio formativo e didáctico, permitiranlles aos nosos estudantes elixir entre un importante número de empresas onde realizar a Formación en Centros de Traballo ou complementar a formación mediante estancias e intercambios académicos.
| O programa de bolsas de formación en empresas permítelles aos titulados da escola acceder a estancias formativas en empresas nas que se facilita a inserción profesional a través de complementos formativos e dun directo coñecemento da realidade empresarial do sector no que desenvolverán a súa actividade profesional. |
 |
SERVIZOS
Orientación, organización de stage en empresas e institucións, tramitación da xestión de bolsas de estudo, servizo de oficina de colocación……, son algunhas das posibilidades que completan a nosa oferta formativa.
|
