Fundación Escola de Imaxe e Son Produtora Film Commission Contacto Ligazóns

Novas

Alumnos da TIC realizaron para televisión o partido entre o Azkar e o Carnicer Torrejón

Alumnos do segundo curso da Escola de Imaxe e Son estiveron detrás das cámaras e no posto de realización na retransmisión do partido entre o Azkar Lugo e o Carnicer Torrejón que se celebrou o martes 2 de marzo no Pazo Municipal dos Deportes.

O partido pertencente a División de Honra de Fútbol Sala foi emitido en diferido por Telelugo en ‘prime time’ como de costume.
Os alumnos, que están a cursar o Ciclo Superior de Realización, desenvolveron esta actividade como complemento a súa formación na escola da Fundación TIC e estarán acompañados polo docente do módulo de Realización en Televisión.

Continúase así o labor realizada pola Fundación TIC, que ademais de formar aos alumnos na escola de Imaxe e Son de Lugo facilita o ensino práctico a través das actividades desenvolvidas no Centro de Produción de Programas e coa produción de contidos audiovisuais para diversos medios, como xa ocorreu en anteriores cursos con retransmisións de distintos eventos deportivos ou a cerimonia de ordenación episcopal do actual bispo da diocese lucense.

 |   |   |  Menéame  |  Chuza

---

Comenta esta noticia:
Nick
Email
Comentario
Copia no cadro os seguintes números:
Este é un sistema de filtro anti-spam instalado para evitar que o foro se inunde de mensaxes de publicidade non desexada enviados automáticamente por programas de spam. Serve para comprobar que o que escribe é unha persoa e non un programa. Non inflúe de ningún modo na publicación dos comentarios

Volver