Centro de Produción de Audiovisuais (CPA) » Novas da Fundación TIC
09/04/2015
A Fundación TIC colabora coa XXXI edición da Mostra Exposición de Muimenta, MOEXMU
-Un equipo da TIC cubrirá o evento para a súa difusión a través das redes sociais e medios de comunicación
-Con esta colaboración, a Fundación súmase ao apoio da Deputación provincial á gandería, sector estratéxico para a economía da provincia
A Fundación TIC colaborará coa XXXI Mostra Exposición de Muimenta (MOEXMU) que se celebrará os días 10, 11 e 12 de abril no recinto Feiral Manuel Vila López. Un equipo de profesionais cubrirá diferentes actividades para elaborar posteriormente material audiovisual co que se difundirá o evento a través das redes sociais e medios de comunicación.
A MOEXMU reúne cada ano a máis de 12.000 persoas que se achegan ata Muimenta, no Concello de Cospeito, para gozar das actividades incluídas no programa. Este ano celebrarase a 29ª edición do Concurso de Gando Frisón, único da provincia, e a 18ª Poxa de Gando Selecto. A cita complétase con 20.000 m2 de expositores de venta de artesanía, maquinaria, alimentación e todo tipo de produtos relacionados co sector agro gandeiro.
Volver
