Centro de Produción de Audiovisuais (CPA) » Novas da Fundación TIC

24/06/2014

A Fundación TIC colabora co II Campus de Verán Científico Técnico de Lugo

  • archivos/fotos/grandes/1958_la foto 1.JPG

    usc

    usc
  • archivos/fotos/grandes/1958_la foto 3.JPG

    set en usc

    set en usc
  • archivos/fotos/grandes/1958_la foto 2.JPG

    usc2

    usc2
  • archivos/fotos/grandes/1958_IMG_20140624_141656.jpg

    usc

    usc







Un equipo da Fundación TIC asesorará ós preuniversitarios na realización de vídeos de presentación dos seus proxectos
A Escola de Imaxe e Son da TIC tamén achegará ós participantes a súa proposta de estudos
O obxectivo do Campus é dar a coñecer as carreiras científicas e técnicas que ofrece a Universidade dende un punto de vista práctico

Un equipo da Fundación TIC formado por profesionais do Centro de Produción de Programas (CPP) e bolseiros da Escola de Imaxe e Son (EIS) participa durante esta semana no II Campus de Verán Científico Técnico de Lugo prestando asesoramento técnico a todos os alumnos que desexan usar ferramentas audiovisuais nas presentacións dos seus proxectos. Tamén gravará e editará un resume audiovisual de todas as actividades que se realicen durante estas xornadas.

A TIC tamén dará a coñecer a súa proposta de estudos ós case 90 preuniversitarios inscritos neste Campus. A Escola de Imaxe e Son é o único centro en Lugo que imparte ensinanzas relacionadas coa familia profesional do audiovisual. No centro pódense estudar os ciclos superiores de Produción de Audiovisuais, Radio e Espectáculos así como o de Realización de Audiovisuais e Espectáculos.

II Campus Científico Técnico
O Campus de Verán Científico Técnico de Lugo ten como obxectivos fomentar o interese do alumnado preuniversitario pola ciencia e a tecnoloxía ó tempo que informar das titulacións relacionadas con elas no Campus de Lugo, e das súas saídas laborais. Esta actividade é de marcado carácter práctico, e conta con obradoiros e presentacións de proxectos científicos e técnicos nos que o alumnado ten un contacto directo coas diversas ramas da ciencia e da tecnoloxía.


< Volver




Rúa Frei Plácido Rei Lemos s/n / 27004 - Lugo
Teléfono: 982 284 667 / Fax: 982 284 687
info@fundaciontic.org
Fundación  |  Escola de imaxe e son  |  Produtora  |  Film Comission  |  Novas  |  Ligazóns  |  Videos  |  Foro  |  Contacto
Diseño web de Lugonet