Produtora » Novas da Fundación TIC

06/02/2014

O In Lugo amosou os trucos para triunfar cunha idea en internet

- Álvaro Santos entregou este mércores os diplomas os participantes no curso Márqueting de contidos

dixitais na era das TIC, nas súas modalidades online e semipresencial

- Os participantes iniciáronse no entorno dixital e poderán aproveitar as súas vantaxes para mellorar a

proxección comercial da súa empresa ou do seu currículum profesional

- O IN Lugo ofrece formación gratuíta en novas tecnoloxías para todos os públicos. A programación completa

pode consultarse na web www.inlugo.deputacionlugo.org

O Deputado de Cooperación e Asistencia ós Concellos, Álvaro Santos Ramos, entregou este

mércores os diplomas ós 75 participantes no curso gratuíto de Márqueting de contidos dixitais na era das

TIC, organizado no In Lugo, o primeiro Centro de Innovación Social de Galicia, posto en marcha polo

organismo provincial.

O curso foi eminentemente práctico e ofrecéronse dúas modalidades, unha semipresencial que

contou con 25 participantes e outra completamente online que contou con 50 participantes. As

dúas versións tiveron un total de 150 horas de formación nas que os alumnos aprenderon a aplicar

estratexias de márqueting en Internet. Traballaron con exemplos reais de produtos e negocios para

os que tiveron que desenvolver unha adecuada promoción e publicidade en redes sociais, estratexias

de fidelización de clientes e analizaron as posibilidades de comercio electrónico. Deste xeito, os

participantes coñeceron as posibilidades de Internet e as vantaxes dun correcto posicionamento na

rede.

In Lugo, o 1º Centro de Innovación Social en Galicia posto en marcha pola Deputación de Lugo, ofrece

formación gratuíta en novas tecnoloxías para todos os públicos, impulsando as o uso das TIC como

instrumento para a promoción da igualdade social, a mellora do benestar e a calidade de vida dos

cidadáns, especialmente dos colectivos máis desfavorecidos. A súa oferta formativa, completamente

gratuíta, pode consultarse na web www.inlugo.deputacionlugo.org.


< Volver




Rúa Frei Plácido Rei Lemos s/n / 27004 - Lugo
Teléfono: 982 284 667 / Fax: 982 284 687
info@fundaciontic.org
Fundación  |  Escola de imaxe e son  |  Produtora  |  Film Comission  |  Novas  |  Ligazóns  |  Videos  |  Foro  |  Contacto
Diseño web de Lugonet